28.08.2022 - Mae Arweinwyr newydd Cynghorau Sir Powys a Cheredigion wedi cadarnhau eu hymroddiad i gydweithio i gyflawni dwy raglen waith sylweddol.
Etholwyd y Cynghorydd James Gibson-Watt o Gyngor Sir Powys a'r Cynghorydd Bryan Davies o Gyngor Sir Ceredigion yn Arweinwyr newydd ar eu cynghorau yn etholiadau'r Llywodraeth Leol ym mis Mai.
Yn eu cyfarfod wyneb yn wyneb cyntaf yn y Sioe Fawr yr wythnos hon, cadarnhawyd eu hymroddiad i gydweithio i gyflawni BargenTwf Canolbarth Cymru a Chyd-bwyllgor Corfforedig y Canolbarth.
Mae Bargen Twf Canolbarth Cymru yn bartneriaeth arloesol sy'n cyfuno buddsoddiad o £110m gan Lywodraeth Cymru a Llywodraeth y DU. Mae disgwyl iddo ddenu buddsoddiad ychwanegol sylweddol o ffynonellau cyhoeddus a phreifat eraill a fydd yn hwb sylweddol i'r Canolbarth.
Mae Cyd-bwyllgor Corfforedig y Canolbarth yn un o bedwar a sefydlwyd ar draws Cymru i atgyfnerthu democratiaeth ac atebolrwydd lleol trwy integreiddio'r broses o wneud penderfyniadau mewn tri prif faes: trafnidiaeth ranbarthol, cynllunio datblygu strategol a lles economaidd.
![The new Leaders of Powys and Ceredigion County Councils have confirmed their commitment to work together to deliver two major programmes of work](/image/15913/Councillor-James-Gibson-Watt-of-Powys-County-Council-and-Councillor-Bryan-Davies-of-Ceredigion-County-Council/gi-responsive__100.jpg?m=1659013807607)